es Härzlichs Willkommä hie bi miär, bi Yaruna, i minere chliine Wält wo ich neieh wies mier gfallt. 

Ich bin d'Mina und bi im Windmond (Novämber) 1987 gebore. Uifgwachse bin ich im schenä Buochs NW wo ich ai mini Schueljahr absoliviert ha. 

Mini Lehrziit ha ich i de Nähboutique Kaiser in Stans gnosse und viel derfe mit näh was mich Hit no verbindet mid mim chline Label.

2010 bin ich zum erste mal Mami worde und ha "miis" gliebte Biäze i volle Züge chene uisiäbe. Alli 4 Ärdewunder vo iis sind mid sälber gnähte Chleider usem Spital hei. Somit hani immer die Beste und Kritik riichste Tester drheime.

Ich liebe Stoff wo zäme harmonierid und e Einheit bildid, aber Konfi im Berliner isch völlig ubrflüssig. :)

Und was bediitet YARUNA ? 

Me suecht lang nacheme passende Name für s'Label, s muess alles stimme und perfekt sie. Und so isch Yaruna perfekt für mich. Es isch es Wortspiel us de Näme vo iisne 2 grosse Meitli.

Scheen sinder da.